بتسألى ليه
على دموعى...
ونبع دموعى...كان قلبك..
وأنا المسجون...
ورا ضلوعك
أنا ..حبك...
وأنا..
قلبك بينزفنى ..
آهات ودموع
تسيل الدمعة من عينى..
ويسقينى..
هواك حيرة..ملاهاالخوف.
فيبكى قلبى بين ضلعى..
تسيل الدمعة من عينك.
ونتقابل..
كما غريبين..
رتوش من زيف على وشوشنا.
.لكين العين بتفضحنا..
وتتبادل آهات الشوق..
وجوّه قلوبنا فيه حرفين...
آتون من نار..
بيتجمد على شفافنا..
وجوفنا حريق..
وانااللى غريق..
ف بحر عيونك الواسع..
أمدّ الشوف..
أشوف قصرك...
سما تامنه..
وأنا واقف على بابك
لكين القصر متشمع
بميت شمعة...
وعلى جبينه تشوف الروح...
بقايا لوح..
عليه مكتوب...يا دوب حرفين..
بُعاد ..عن بعض....
فينزف قلبى وألاقيكى ..
ف حد البعد...
دموعى نازلة على خدك...
فأنده لك..بصوت مخنوق...
ويرجع لى صداه تانى...
ومن غير رد..
من غير رد
****
محمد البنا
